דער חסיד'ישער ישוב אין קאסא גראנדע איז אן ערליכער מקום וואו היימישע, חסיד'ישע משפחות טוען אויפציען זייערע קינדער על אדני התורה והחסידות, ווייט פון די ישיבת כרכים קשה, מיט א רואיגן געמיט און געוויסן.

אונזער שפרודלדיגע קהילה, וועלכע שטייט אונטער די פירערשאפט פון דעם חשוב'ן רב שליט"א, פארמאגט עטליכע בתי מדרשים, מוסדות החינוך לשם ולתפארת, א כולל לאברכים מופלגים און א וועד הכשרות. אזוי אויך בויען מיר יעצט צוויי פראכטפולע מקוואות טהרה.

מיט אירע אויסטערלישע מעלות, ברוחניות ובגשמיות איז קאסא גראנדע דער בעסטער מקום פאר אייער פאמיליע, ווי עס זאגן עדות די צענדליגער משפחות וועלכע האבן זיך שוין באזעצט דא און געניסן פון דעם רואיגן לעבן, על מי מנוחות, יעדן איינציגן טאג.

מאכט אייך היימיש, באזוכט דעם סייט און אלע אירע אפטיילונגען, אויב בלייבט אייך נאך עפעס שווער, שפירט באקוועם זיך צו פארבונדן מיט אונז.